Kupa e Shqipërisë do të luajë ndeshjet e fundit të çerekfinaleve të kthimit ditën e sotme. Duele mjaft të rëndësishme dhe shumë të luftuara janë në program për t’u zhvilluar në 2 orare të ndryshme.
Gjtihçka do të startojë me duelin mes Egnaatias dhe Bylisit. Përballje që do të luhet në “Egnatia Arena” në orën 13:30. Rrogozhinasit do të luajnë thjeshtë për formalitet dhe për të ruajtur avantazhin 3-1 të marrë në sfidën e parë, ndërsa nga krahu tjetër ballshiotët do të tentojnë përmbysjen e madhe për të siguruar gjysmëfinalen.
Në orën 16:30 do të jetë radha e Skënderbeut dhe Dinamos për të vendosur edhe gjysmëfinalistin e fundit të Kupës së Shqipërisë. Një duel që do të luhet në Korçë, me korçarët që kanë avantazhin e sfidës së parë të fituar 2-0. Ekipi i Ernest Gjokës do të tentojë të ruajë avantazhin, ndërsa Ilir Daja me “djemt” e tij të tentojnë përmbysjen për të qenë mes 4 skuadrve më të mira të Kupës së Shqipërisë.
