Kukësi dhe Partizani janë në kërkim të një sulmuesi me peshë për sezonin e ardhshëm dhe në këtë moment objektivi i të dyja palëve është ish-futbollisti i Kombëtares, Edmond Kapllani, i cili ka shkëputur tashmë marrëdhëniet me Frakfurtin e Bundeligës 2. Durrsaku ka luajtur më parë me të kuqtë dhe mund t’u bashkohet atyre në fundin e karrierës. Partizani ka mbetur pas sumues pas largimit të Raçiçit dhe Sukajt, ndaj dhe përvoja e Kapllanit do t’i bënte shumë punë. Edhe Kukësi kërkon një lojtar të rëndësishëm për repartin e avancuar dhe emri i ish-sulmuesit kuqezi e tundon shumë. Në këtë çështje ka një ndikim të madh fakti që Kapllani është mësuar me jetën në Gjermani, ku luan prej shumë vitesh, ndaj dhe mbetet për t’u parë, nëse ai do të pranojë të kthehet në Shqipëri apo jo. Nëse po, atëherë të shohim se kush do ta fitojë derbin për këtë sulmues, Kukësi apo Partizani...
Lexo gjithashtu
