Kukësi tashmë është bërë me trajner të ri dhe Emiliano Çela do të drejtojë verilindorët në pjesën e mbetur të këtij sezoni. Ish-trajneri i Kastriotit do të ketë një mision të vështirë, të kthejë Kukësin në “shinat” e duhura dhe te rezultatet pozitive.
Verilindorët prej 11 javësh nuk e njohin fitoren në kampionat dhe ndaj Tiranës, Çela do të kërkojë ta nisë me këmbën e mbarë aventurën e tij te kuksianët. Debutimi do të jetë pikërisht në “Kukës Arena” dhe fitorja për të është detyrim.
38-vjeçari ka zhvilluar ditën e sotme edhe stërvitjen e parë në prag të duelit me bardheblutë, ndërsa ka parë nga afër edhe gjendjen e lojtarëve. Përveç anës taktike, Çela sduhet të punojë shumë me lojtarët edhe në anën psikologjike në mënyrë që të kalojnë sa më shpejt “krizën” në të cilën ndodhen.
Aktualisht Kukësi mban vendin e 9-të në tabelën e klasifikimit, ku në 21 ndeshje i aka dalë të grumbullojë vetëm 19 pikë. Tashmë lojtarët me në krye Çelën do të kenë si objektiv mbijetesën në Superiore.
Lexo gjithashtu
