Leicester City dhe West Ham kanë shfaqur interes për mesfushorin e Kombëtares dhe Empolit, Kristjan Asllani. Klubet e duan lojtarin në verë, duke nisur bisedat e para, shkruan calciomercato.
Produkt i akademisë së Empolit, mesfushori 20-vjeçar ka zhvilluar paraqitje fantastike këtë vit në Serie A. Gjatë këtij sezoni, Asllani forcoi vendin e tij në njëmbëdhjetëshen fillestare te Empoli dhe ka tërhequr vëmendjen e klubeve në Itali dhe Evropë.
Inter, Milan apo Roma janë skuadrat që e kërkojnë më së shumti lojtarin nga Elbasani, që duket se do ketë një verë të nxehtë këtë vit. Nga ana tjetër, futja në garë e klubeve të Premier League po i rrit vlerën djaloshit kuqezi.
Loading ...
