Goditja që mori në pjesën e fytyrës në pjesën e parë pas një dyluftimi në ajër i shkaktoi një të çarë në buzë Odise Roshit, duke i shkaktuar gjakderdhje. Por, një gjë e tillë nuk e pengoi "raketën" kuqezi që të vazhdonte lojën.
Në fund të takimit, mesfushori i Kombëtares kishte vështirësi në të folur, kjo edhe për shkak se goditja që mori gjatë ndeshjes gjatë dyluftimit me kundërshtarin e tij i shkaktoi krisje të dy dhëmbëve të parë.
Siç raportoi gazetari i Supersportit, Egi Duro, i fundit që doli nga dhomat e zhveshjes së ekipit tonë përfaqësues pas ndeshjes me Izraelin, ishte pikërisht Odise Roshi, i cili së bashku me Alban Hoxhën u përzgjodhën nga komisarët e anti-dopingut si futbollistët që duhet t'i nënshtroheshin analizave anti-doping.
Lexo gjithashtu
