Trajneri i kombëtares kuqezi ka ftuar për dy ndeshjet eliminatore dy lojtarë të rinj për ofensivën, të cilët kanë zhvilluar ndeshje mjaft pozitive sot. Një dha dy asiste që u shndërruan në dy gola në kampionatin shqiptar, Liridon Latifi, ndërsa Eros Grezda në Kroaci ka mundur që të shënojë dy herë në fitoren e Lokomotiv Zagreb ndaj RNK Split me rezultatin 2-0.
Grezda është në të njëjtën skuadër me Endri Çekiçin dhe Amir Rrahmanin, teksa në javët e fundit po tregon formë shpërthyese, duke realizuar gola me peshë për ekipin e tij. Edhe Elis Bakaj ka luajtur që nga minuta e parë me Splitin, por pa mundur që në sfidën e shtëpisë të realizoj për të ndihmuar ekipin e tij që po njeh vetëm rënie në kampionat pas problemeve ekonomike që e kanë përfshirë.
Lexo gjithashtu
