Kosova do të zhvillojë sot në orën 18:00 në Fadil Vokrri ndeshjen tjetër miqësore përballë Ishujt Faroe. Një test tjetër për lojtarët që kanë mundëisnë të tregojnë veten e tyre ndaj një kundërshtari shumë më të lehtë në letër. Trajneri Alain Giresse foli në konferencën e shtypit përpara ndeshjes.
A do të fitoni ndaj Ishujve Faroe? - Luajmë gjithmonë për të fituar, pastaj nëse ia dalim apo jo nuk mund ta them, por padyshim që ne përgatitemi për ta fituar këtë ndeshje”.
Kush prej lojtarëve mund të ftohet sërish në Kombëtare? - Nuk mund të bëjmë një bilanc apo përmbledhje të tilla tani, ndërsa nuk janë zhvilluar ende dy ndeshje. Presim të zhvillohet ndeshja dhe pastaj mund të bëj bilancin për lojtarët që mund të ftohen edhe në të ardhmen.
A nuk duhen ftuar edhe lojtarë të tjerë në Kombëtare? - Kjo pjesa e ftesës është një problem i përjetshëm do ta quaj, sa i përket Kombëtares. Realitet është që koha është e limituar dhe kemi vetëm dy ndeshje, do të donim të kishim më shumë kohë, por nuk mundemi, pasi FIFA na ka lënë kaq kohë dhe ky është realiteti.
Kush mendoni se e fiton Botërorin? - Flamuri me ngjyrat kaltër, bardhë dhe të kuq.
Lexo gjithashtu
