Almedin Klinaku është futbollisti më i ri i Ballkanit. Përmes një postimi në rrjetet sociale, klubi nga Suhareka e ka prezantuar mesfushorin me tipare sulmuese, duke shkruar se cilësitë e tij do të ndihmojnë këtë repart të skuadrës.
Së fundmi, 23-vjeçari ishte pjesë e klubit të KF Dinamo Ferizajt, ndërsa më parë ka veshur fanellën e Kek-U Kastriot dhe KF Llapit.
Një tjetër afrim ky me potencial për skuadrën, në vigjilje të sezonit të ri, pas transferimit të Lorik Dobratiqi dhe rikthimit të Edvin Kuç.
POSTIMI:
"Almedin Klinaku, përforcimi ynë më i ri!
FC Ballkani njofton transferimin e mesfushorit ofensiv, Almedin Klinaku, i cili tashmë i është bashkuar skuadrës sonë.
Me cilësitë e tij në fazën sulmuese dhe kreativitetin në lojë, Klinaku vjen për të forcuar repartin ofensiv të ekipit.
Mirë se erdhe në familjen e madhe të FC Ballkanit, Almedin!"
Lexo gjithashtu
