Federata e Futbollit të Kosovës paraditën e sotme ka apeluar zyrtarisht në CAS vendimin e UEFAS-s për sfidën Rumani – Kosovë.
FFk-ja kërkon që kjo çështje të rishikohet dhe të vendoset drejtësia. Gjithashtu bëhet me dije se drejtuesit e FFK-së janë në bisedime edhe me disa studio të tjera ligjore për të analizuar siç duhet këtë ndeshje, me “Dardanët” që janë besimplotë te vendimi i CAS.
“Federata e Futbollit e Kosovës njofton opionionin publik se në afatin e përcaktuar kohor, ka proceduar në CAS (Court of Arbitration of Sport) ankesën ndaj vendimit të UEFA-s në lidhje me ndeshjen Rumani- Kosovë, të datës 15.11.2024.
FFK-ja, përveç angazhimit të ekipit të vet ligjor, është në konsultim edhe me disa studio ligjore me përvojë të madhe me lëndët në CAS, kryesish nga Zvicra dhe Gjermania, për t’ u përfaqësuar në mënyrën e vet më të mirë në këtë betejë ligjore në kërkim të së drejtës për Federatën dhe ekipin tonë Kombëtar.
Federata e Futbollit e Kosovës shpreh besimin e saj të plotë që CAS do të marrë vendim të drejtë e meritor”, shkruhet në njoftim. Kujtojmë se UEFA vendosi për humbjen e Kosovës 3-0 në tavolinë ndaj Rumanisë, pasi pas ndërprerjes së ndeshjes për shkak që tifozët rumunë bënin thirrje anti-shqiptar, lojtarët “Dardanë” refuzuan të dilnin sërish në fushë.
Lexo gjithashtu
