Besfort Zeneli ka refuzuar ftesën e Kosovës për dy ndeshjet e muajit shtator. Mesfushori i cili ka luajtur 6 ndeshje për Kosovës U-21 ka zgjedhur t’u thotë “JO” “Dardanëve”.
21-vjeçari pret një ftesë nga kombëtaarja Suedeze dhe diçka të tillë e ka konfirumaur në një intervistë për mediat suedeze. Zeneli aktivizohet me Elfsborg, teksa ka theksuar se ka bërë zgjedhjen e duhur dhe tashmë do të bëjë maksimumin që në të ardhmen të sigurojë ftesën e Suedisë.
“Unë jam përzgjedhur për Kombëtaren A të Kosovës tani por e kam refuzuar. Tani më takon mua të sigurohem që të luaj aq mirë sa të jem i përzgjedhur për kombëtaren suedeze në të ardhmen. Ndihem mirë që mora këtë vendim. Suedia është më e drejtë për mua. Si vëllai ashtu edhe familja më mbështesin plotësisht në vendimin tim. Nuk ka pasur absolutisht asnjë problem”, ka theksuar Zeneli për “Sportbladet”.
Kujtojmë se Besfort është vëllai i Arbër Zenelit. Ky i fundit nga moshat e Suedisë vendosi të përfaqësojë Kosovën në ekipin A, por siç duket vëllai i tij ka vendosur të bëjë të kundërtën dhe tashmë vëllezërit Zeneli do të luajnë për dy kombëtare të ndryshme.
Lexo gjithashtu
