Kombëtarja U19 e Kosovës ka pësuar humbje nga Austria, me rezultat 4-0 në “Fadil Vokrri”, Prishtinë për ndeshjen e parë në kuadër të Grupit 10 për kualifikueset e Europianit 2025.
Kosova e nisi mirë ndeshjen dhe krijoi një rast të mirë në minutën e 8-të, kur Eliot Bujupi depërtoi nga e majta dhe shërbeu në qendër të zonës Edion Gashin, por gjuajtjen e këtij të fundit e priti portieri. Menjëherë në aksionin pasues, austriakët zhbllokuan shifrat, kur Verhounig shënoi nga brendësia e zonës pas asistimit të Zivkovic.
"Dardanët" krijuan rast të shkëlqyeshëm në minutën e 32-të, kur Elvir Gashijani doli i vetëm para portierit, por gjuajti pranë shtyllës. Deri në pushim rast të mirë pati edhe Deli Ajdini, në minutën e 45-të. Kështu, pjesa e parë përfundoi me rezultat 0-1.
Kosova në pjesën e dytë ishte insistuese për të kthyer rezultatin, por austriakët shfrytëzuan hapësirat e krijuara. Mysafirët shtuan epërsinë në minutën e 65-të pas gabimit të portierit Qela, përmes Verhounig përsëri. Goli i dytë ndikoi në lojën e të rinjve, të cilët nga dëshira për t’u kundërpërgjigjur bënë lëshime në repartin mbrojtës, gjë të cilën e ndëshkuan lojtarët e Austrisë, edhe me dy gola tjerë përmes Gërgiq dhe Adejenughure . Këtë ndeshje nga afër e përcolli edhe përzgjedhësi i Kombëtares A, Franco Foda me stafin e tij, si dhe lojtarë të Kombëtares.
Ndeshjen e radhës Kosova e zhvillon kundër Spanjës pas tre ditësh, po ashtu në orën 15:00, në stadiumin ‘Fadil Vokrri’.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
