Ballkani mbylli me sukses fazën përgatitore në Ohër, duke mposhtur me rezultatin 3-2 Malishevën. Golat për klubin nga Theranda i shënuan Tola, Diaëara dhe Karrica.
Por protagonist absolut në këtë sfidë ka qenë edhe Geralb Smajli. Edhe pse mbrojtësi i djathtë nuk është zyrtarizuar ende si pjesë e ekipit, ai është aktivizuar nga Ilir Daja si në ndeshjen ndaj Tiranës dhe këtë të fundit ndaj Malishevës.
Madje përballë këtyre të fundit, Smajli ka dhuruar 2 asisit. Diçka të tillë e tregon vetë futbollisti me anë të një postimi në “Story” në rrjetin social Facebook. “2 assist”, shkruan Smajli në Facebook, krah fotos së rezultatit përfundimtar të ndeshjes.
Tashmë gjithçka është e sigurt që 22-vjeçari është pjesë e Ballkanit, por pritet vetëm zyrtarizimi nga këta të fundit. Me këtë nisje spektakolare, Smajli bën që Ballkani të harrojë ish-mbrojtësin e djathtë, Armend Thaqin, i cili u transferua te Cluj në Rumani.
Lexo gjithashtu
