Federata e Futbollit e Kosovës njofton se Sami Sermaxhaj është emëruar përzgjedhës i ri i përfaqësueses së Kosovës në konkurrencën e femrave. Më parë ky trajner ka drejtuar ekipin e Ballkanit dhe atë të Drenicës.
Sermaxhaj do të udhëheqë përfaqësuesen A në ciklin e ri garues, ndërsa ndeshjet miqësore të këtij muaji dhe muajit tjetër do t’i shërbejnë për përgatitjen e ekipit dhe përzgjedhjen e lojtareve më në formë.
Nën drejtimin e Sermaxhajt, "Dardanet" do të zhvillojë grumbullim treditor duke nisur nga nesër në Hajvali, ku do të zhvillojë edhe ndeshje testuese me përfaqësuesen U19, teksa muajin e ardhshëm do të marrë pjesë në turneun ndërkombëtar në Kairo.
Stërvitja e parë e përfaqësueses së Kosovës zhvillohet të martën në orën 11:30, në Kampin Nacional të FFK-së në Hajvali.
Lexo gjithashtu
