Kosova prej disa ditësh po zhvillon përgatitje intensive për duelin me Slloveninë, përballje kjo që do të luhet të shtunën në trasfertë. Një duel shumë i rëndësishëm për “Dardanët”, të cilët kërkojnë kualifikimin për në “Play-Off” të Kupës së Botës.
Dion Gallapeni ka folur para kësaj sfide. Talenti i Kosovës kërkon të shkruajë historinë me “Dardanët” dhe të kualifikohen në “Play-Off” të Kupës së Botës 2026.
“Sot ishte dita e katërt e stërvitjes dhe po përgatitemi maksimalisht për ndeshjen kundër Sllovenisë. Atmosfera në grup është shumë pozitive dhe përgatitjet po shkojnë në mënyrë perfekte.
Këto dy ndeshje janë jetike për kombëtaren. Është një motiv shtesë për t’i luajtur sepse e dimë se nëse i fitojmë këto dy ndeshje do të arrijmë diçka historike për Kosovën.
Sllovenia është një ekip shumë kompakt në mbrojtje, por edhe atyre u duhen tri pikët dhe po ashtu edhe ne shkojmë për tri pikë, kështu që shpresoj se do të jetë një lojë e hapur”, ka theksuar mbrojtësi.
Lexo gjithashtu
