Kosova do të luaj ndaj Rumanisë nesër në orën 20:45, në stadiumin “Fadil Vokrri”. Dardanët do të kërkojnë fitoren e parë në grup për të mbajtur gjallë shpresën për EURO 2024. Përfaqësuesja e Kosovës bën pjesë në Grupin I, dhe në dy ndeshjet e para është ndalur në barazim.
Përpara sfidës ndaj Rumanisë ka folur edhe trajneri i Dardanëve, Alain Giresse. Në konferencën për shtyp prag ndeshjes trajneri ka theksuar se do të vuajnë mungesën e dy futbollistëve si dhe nga ana tjetër kërkon mbështetjen e tifozëve.
“Para kësaj loje na duhet të përballemi me dy mungesa. Elbasan Rashani që është larguar nga grumbullimi dhe Edon Zhegrova që ende nuk është rikuperuar. Shpresoj që stadiumi të jetë i mbushur, sepse kjo ndeshje është jetike për ne. Ne nuk frikësohemi, sepse kemi pasur kundërshtarë edhe më të fortë”, ka thënë Giresse.
Lexo gjithashtu
