Përfaqësuesja e Kosovës po studion rastin e Robert Morenos për ta ulur në pankinë. Spanjolli shihet si ‘ideali’ nga drejtuesit e FFK-së për stolin e dardanëve, me këta të fundit që janë në kërkim të zëvendësuesit për të shkarkuarin Primoz Gliha.
Është vetë presidenti i FFK-së, Agim Ademi që ka nisur bisedimet me 46-vjeçarin spanjoll që në të kaluarën ka trajnuar Granadën, Monacon dhe Spanjën, teksa ka qenë edhe ndihmës i Luis Enrique.
Megjithatë “Dardanët” nuk janë të vetmit që janë hedhur në sulm për trajnerin. Bëhet me dije se në javën e fundit, me përfaqësuesit e teknikut kanë nisur bisedimet edhe klubi rus i Soch dhe turqit e Adana Demirspor.
E ardhmja e pankinës së Kosovës dhe Robert Morenos mbetet akoma në hije, me këtë të fundit që pritet të vendosë së shpejti.
Lexo gjithashtu
