Ditën e sotme u luajt sfida historike midis Koresë së Veriut dhe Koresë së Jugut, e cila përfundoi me rezultatin 0-0. Të dyja ekipet janë pjesë e grupit H dhe luftojnë për një vend në Kupën e Botës.
Sfida e sotme kishte interes të lartë për mënyrën sesi do të organizohej duke ditur që pritës ishte Korea e Veriut.
Surprizat nuk munguan dhe pa asnjë komunikim më parë, Korea e Jugut është shtangur kur e ka parë veten në një stadium 50 mijë vendësh, totalisht boshë pa spektatorë.
Ndeshja nuk u transmetua në asnjë televizion edhe pse ishte premtuar se kjo gjë do të mundësohej për të gjithë fansat e Koresë së Jugut, të cilëve në fillim iu tha ta ndiqnin atë online.
Kjo ishte hera e parë që Korea e Veriut ishte mikëpritëse e Koresë së Jugut për një ndeshje futbolli të vlefshme për Kupën eBotës.
Ndeshja e kthimit do të luhet në qershor të vitit tjetër në Korenë e Jugut.
Lexo gjithashtu
