Dibranët janë futur në stres gjatë javëve të fundit, pasi dëmtimet nuk po i ndahen njëri-tjetrit. Sezoni nisi me probleme për mbrojtësin e krahut të djathtë, kroatin Dusko Dukiç, ndërsa vazhdoi edhe me sulmuesin Denis Peposhi.
Por, si të mos mjaftonin këto dy mungesa, trajnerit Artan Mërgjyshi i shtohen dhe dy lojtarë të të njëjtëve pozicione si dy të sipër përmendurit. Andi Prifti la në mes lojën kundër Vllaznisë pasi pësoi tërheqje të muskulit aduktor, ndërsa vizitat e fundit tregojnë për një gjendje jo të mirë të tij dhe dje ai ka munguar në stërvitje.
Tjetër shqetësim për trajnerin e dibranëve është sulmuesi i ardhur me bujë gjatë verës, Abraham Adelaja. Ky i fundit ka shqetësime fizike, ndërsa nuk po stërvitet me grupin në ekipin e Artan Mëgjyshit.
Duke parë dy mungesa në krahun e djathtë të mbrojtjes dhe dy në sulm, gjithashtu dhe Elvis Prençin që u ndëshkua me karton të kuq në sfidën kundër Vllaznisë, stafi teknik po bën llogaritë që të hedhë në fushë lojtarët idealë për t'ia dalë në sfidën e javës së pestë.
Lexo gjithashtu
