Zgjedhja e bërë nga Milot Rashica për të përfaqësuar kombëtaren e Kosovës është mirëpritur nga presidenti i Federatës së Futbollit kosovar, Fadil Vokrri. Ai ka deklaruar se talenti i Viteshes ka qenë prej kohësh në projektin e kombëtares së Kosovës. Por tashmë dilema është nëse shembullin e Rashicës do e ndjekin edhe të tjerë lojtarë të përfaqësueses së Shqipërisë, apo edhe futbollistë që aktivizohen me kombëtaret e tjera, si Januzaj i Belgjikës ose Xhaka, Behrami e Shaqiri të Zvicrës. Vokrri ka pranuar se stafi i Federatës së Futbollit të Kosovës është në bisedime me shumë lojtarë kosovarë dhe se brenda dy ditësh do të mësohen emrat e atyre që do të zgjedhin të përfaqësojnë kombëtaren e Kosovës.
Poll
Lexo gjithashtu
