Pas përcaktimit të datës së zhvillimit të zgjedhjeve dhe zbulimit të emrave të kandidatëve për kreun e FSHF-së, gara është bërë disi e ashpër mes dy kandidatëve që kanë deklaruar se do të përballen me njëri-tjetrin në datën 7 shkurt.
Nga njëra anë presidenti aktual i FSHF-së, Armando Duka dhe nga ana tjetër, politikani i njohur, Bashkim Fino. Edhe pse shpesh herë kanë deklaruar se mes tyre ka ekzistuar gjithmonë miqësia, në një formë apo në një tjetër, ka pasur përballje verbale mes tyre edhe pse jo "kokë më kokë".
Sonte në mbrëmje, në orën 22:00, do të jetë i ftuar Armando Duka në emisionin "Fair-Play" në "News 24", që drejtohet nga moderatorja Enkeleida Zeiko për të zbuluar arsyet që e çuan kreun aktual të FSHF-së drejt rikandidimit dhe gjithçka synon të arrijë nëse fiton një tjetër mandat.
Lexo gjithashtu
