Stadiumi i qytetit të Shkodrës, "Loro Boriçi", duket se po merr jetë. Edhe pak detaje kanë mbetur nga përfundimi i punimeve në këtë stadium legjendar, i cili do të jetë ndër më modernët në Ballkan. Ai do të ketë rreth 17-18 mijë vende, duke u kthyer në stadiumin më të madh në Shqipëri. Njëkohësisht stadiumi i Vllaznisë së Shkodrës do të jetë edhe shtëpia e Kombëtares Shqiptare, deri në përfundimin e "Arenës Kombëtare", në Tiranë. Ditë e sotme, mësohet të jetë sistemuar edhe sistemi i ndriçimit që do të përdoret për zhvillimin e ndeshjeve në orët e vona, për të tërhequr në këtë mënyrë, tifozëte shumtë në shkallët e tij. Stadiumi "Loro Boriçi" u hap në vitin 1953 duke pritur shumë ndeshje të rëndësishme në të. Ai ishte ndër stadiumet më të mëdha në vend bashkë me "Qemal Stafën", në Tiranë.
[gallery columns="1" size="full" ids="9808"]
Lexo gjithashtu
