Juventusi raportohet se rrezikon tashmë seriozisht pjesamarrjen në garat europiane, të paktën për një vit, për shkak të falsifikimeve financiare për të cilat vazhdojnë akoma hetimet.
Pas heqjes së 15 pikëve nga sezoni aktual, “Zonja e Vjetër” mund të marrë goditje e fundit nga UEFA. Sipas “La Repubblica” hetimet vazhdojnë dhe nëse dalin prova për shkelje të “Fair-Playt” financiar atëherë do të merren masa ndaj bardhezinjve.
Komiteti Ekzekutiv i UEFA-s do të mblidhet sot pasdite në selinë e tyre në Nyon të Zvicrës. Trupi i futbollit do të marrë masa ndaj Juventusit vetëm në përfundim të provave sportive në Itali, duke reaguar ndaj vendimeve përfundimtare.
Drejtori i ri ekzekutiv i Juventusit, Maurizio Scanavino, tashmë është takuar me presidentin e FIGC, Gabriel e Gravina, i cili tani po pret të takojë presidentin e ri Gianluca Ferrero për të diskutuar për këtë çështje.
Loading ...
