Shqipëria e moshës nën 19 vjeç ka mësuar sot kundërshtarët për Europianin e vitit 2021. Në Nion të Zvicrës është hedhur shorti për këtë grupmoshë, me Shqipërinë që ndodhej në vazon e katërt. Kundërshtarët e Kombëtares sonë do të jenë fqinjët e Maqedonisë së Veriut, Danimarka dhe Republika Çeke.
Shqipëria ndodhet në grupin 5 të këtyre kualifikueseve dhe për djemtë e Nevil Dedes shorti mund të quhet i favorshëm. Ky kompeticion do të mbahet në Rumani dhe vetëm dy ekipet e para të çdo grupi do të kalojnë më tej.
Grupi 5: Shqipëri, Maqedoni e Veriut, Danimarkë, Republika Çeke