Lufta që Rusia po zhvillon me Ukrainën solli edhe sanksione për njerëzit e lidhur me presidentin Vladimir Putin. Një ndër ta, Roman Abramovich u detyrua të largohej nga Anglia duke shitur edhe pronat që ka në ishull.
Ndër të tjera, manjati rus hoqi dorë pas 20 vitesh nga Chelsea, me Blutë që janë në shitje. Tanimë për Abramovich kanë mbërritur të tjera oferta, me shumë klube që janë ofruar për t’i dhënë pronësinë.
Në formën e batutës, oferta më e veçantë ka qenë ajo e klubit serb të Petka, e cila luan në ligat e ulëta. Këta të fundit kanë shkruar në kanalet e komunikimit se janë gati t’i ofrojnë 49 përqind të aksioneve rusit Abramovich, teksa firma në kontratë do hidhet në një nga lokalet pranë stadiumit.
“Roman, për shkak të situatës së re dhe vendimit tuaj për të shitur Chelsean, ne simpatizojmë emocionet tuaja dhe e kemi të vështirë të durojmë vuajtjet që po kaloni.
Prandaj, ne duam t'ju bëjmë një nder dhe t'ju ofrojmë 49% të aksioneve të klubit tonë. Ju ftojmë të ndiqni ndeshjen miqësore kundër Çibutkovcit dhe pas kësaj është planifikuar takimi, te lokali i cili ndodhet pranë stadiumit tonë”, thuhet në njoftimin që ka bërë xhiron e medieve.
Lexo gjithashtu
