Vllaznia ka emëruar trajnerin e ri Migen Memellin në krye të pankinës. Ai do të nisë sëshpejti punën për të bërë gati skuadrën për kupat e Europës dhe më pas fillimin e sezonit të ri në Superiore. Emri i Memellit duket se nuk është pritur me aq ngazëllim te shkodranët.
CV-ja e tij jo e pasur duke qenë një trajner i ri pa shumë eksperiencë nuk kanë bindur opinionin publik. Klodian Duro është një nga ata që ka dalë hapur kundër madje duke ironizuar shpeshherë edhe drejtorin Elvis Plori.
Së fundmi, atij i ka ardhur një mesazh në Instagram nga një tifoz shkodran i cili i bën thirrje se e duan trajner të Vllaznisë. Duro e ka ndarë këtë mesazh edhe me ndjekësit e tij.
“Si tifoz i vjetër i dashnisë kuq e blu do doja t’ju shikoja trajner te Vllaznia. Sepse ti je ai njeri që ke dhënë gjithçka për këtë ngjryë e për këtë fanellë. Jo të na sjellin trajnera që s’kanë lidhje me Vllazninë”, shkruan tifozi.
Lexo gjithashtu
