Superylli i Milanit, Rafael Leao foli në një intervistë për median e klubit ku u pyet për situatën në kampin kuqezi, afrimet e reja dhe objektivat e sezoni të ardhshëm.
"Jam shumë i lumtur, fanella e Milanit është shumë e rëndësishme. Do të jetë bukur të luash në San Siro me fanellën me numrin 10. Kam folur për këtë me klubin, i falënderoj për besimin që më dhanë këtë fanellë".
Faza përgatitore.
"Ne kemi filluar tani, nuk jam 100%, por po stërvitemi shumë që të jemi gati. E di se çfarë mund t'i jap skuadrës sime, çdo ndeshje përpiqem të bëj diferencën sepse nëse skuadra është mirë, edhe unë jam mirë".
Afrimet e reja.
"Lojtarët e rinj kanë hyrë shumë mirë, atmosfera është e qetë edhe për ta. Mendoj se po bëjnë një punë të shkëlqyer, luajtën mirë në miqësoret e fundit. Unë kam qenë në Milano për katër vjet, kur mbërrita në fillim ka pasur lojtarë që më kanë kapur dorën dhe kjo është ajo që po bëj sot me ata që mbërrijnë, nuk është e lehtë t'i ndihmojmë të gjithë".
Marrëdhënia me lojtarët.
“Gjithmonë përpiqem të ndihem rehat jashtë fushës, pastaj në fushë për kiminë dhe lidhjen. Në këtë mënyrë kombinimet në fushë janë më të lehta, por të gjithë ata që kanë ardhur janë të fortë, jam i lumtur të luaj me ta sepse kanë cilësi të shkëlqyera.
Objektivat.
"Ibra na ka dërguar një mesazh: nga larg, ai po nxit për ne, ai është njëri prej nesh. Do të shihemi së shpejti. Kam nënshkruar për pesë vjet, dua të qëndroj këtu, është një projekt i bukur dhe i rëndësishëm, kur isha i ri. Para se të nënshkruaja, e dija se mund të përmirësohesha dhe t'i arrij objektivat e mia në Milano. Ëndrra është të fitoj Champions League.
Është e vështirë në Serie A, këtë vit Napoli fitoi dhe ka shumë skuadra të forta. Nuk duhet të humbasësh pikë, por të gjithë në Itali janë të fortë dhe këtë vit shumë në Europë e kanë treguar këtë. Ne kemi treguar se Seria A është në gjendje të konkurojë."
Sezoni i fundit.
"Viti i kaluar ishte një vit i rëndësishëm për mua. Unë konsolidova atë që duhej të bëja, për të treguar se sa shumë mund të bëj. Këtë vit duhet ta mbyllim sezonin me një trofe. Vitin e kaluar bëmë mirë, por diçka mungoi. Këtë vit duhet të kuptojmë mirë se çfarë kërkon trajneri dhe të kemi një sezon të shkëlqyer në ekip."
Lexo gjithashtu
