Gazetari i njohur sportiv, Lirim Zalla i është bashkuar Partisë së Lirisë si Këshilltari i Sportit për kryetarin Ilir Meta.
Ish-presidenti njoftoi në rrjete sociale bashkimin e Zallës në mbështetje të projektit politik të partisë së tij. Zalla do të ofrojë të gjithë njohurinë e tij disavjeçare mbi sportin duke prekur kështu edhe arenën politike në karrierën e tij.
“Nga sot gazetari i mirënjohur dhe miku im i hershëm, Lirim Zalla është Këshilltari im special për Sportet dhe na bashkohet në mbështetjen e këtij prioriteti të jashtëzakonshëm për Partinë e Lirisë”, shkruan ish-presidenti.
Lirim Zalla është një njohës i mirë i sportit ku ka një karrierë të gjatë në median e shkruar dhe televizive. Së fundmi, ai është shfaqur si opinionist në studion ‘Skaner’ në MCN duke komentuar futbollin shqiptar, si dhe në ‘Tring Sport’ për Champions League.
Lexo gjithashtu
