Kukësi u mposht nga “djali” i saj në duelin me Partizanin. Gjelbrim Taipi shënoi golin vendimtar të takimit, ku demat triumfuan 1-0 ndaj verilindorëve, skuadër ku mesfushori ka kaluar pjesën më të madhe të karierëss së tij para se të kalonte në kryeqytet.
Pas sfidës, Taipi tregoi emocionet e golit dhe fitores në “Kukës Arena”. Ndër të tjera mesfushori uron që Kukësi të mbijetojë, por sipas tij duket e vështirë.
“Fitorja dhe goli? E dija se do të ishte ndeshje e vështirë dhe ne kemi punuar shumë për të marrë këtë rezultat. I lumtur që i dhash skuadrës fitoren.
A beson se Kukësi shpëton në Superiore? Pyetje interesante dhe do përgjigje delikate. Ka futbollista mjaft cilësorë, në këto momente duhet të bëhen të gjithë bashkë. Dua të mbijetojë dhe kjo skuadër i duhet të mbijetojë, pasi kanë luajtur lojtarë të mëdhenj. Gjithsesi duket e vështirë.
Partizani? Kemi lojtarë me kualitet dhe kemi organikë të lartë. Objektivi i vetëm është titulli, jemi në rrugën e duhur dhe jam i bindur se do ia arrijmë
Skuka –Cara apo Mensa dhe të tjerët? Nuk e kam problem. Por ku luan me Carën dhe Skukën që e ndjekin qendrën unë e kam më të lehtë. Por kur luan me Mba është pak më e lehtë pais bën ai detyrat e mesfushës siç duhet”, përfundoi Taipi.
Lexo gjithashtu
