Java që lamë pas në Superligën e Kosovës ishte tejet interesante. Janë katër lojtarët që kanë luajtur për Kategorinë Superiore në Shqipëri dhe kanë shkëlqyer. Bëhet fjalë për Avdylin, Muçen, Useinin dhe Fazliuan, të cilët janë përfshirë në formacionin e javës. Vlen të theksohet paraqitja e Gentjan Muçës me Prishtinën, me qendërmbrojtësin që është kthyer në një element të rëndësishëm për ekipin nga kryeqyteti. Kujtojmë që ai kaloi nga Tirana te kjo skuadër, pikërisht në verë.
Shumë futbollistë që kanë luajtur në elitën e vendit tonë po shfaqin veten e tyre në futbollin dardan, çka është një shenjë e mirë. Futbolli shqiptar e po ashtu kosovar po zhvillohet shumë në cilësi. Superliga e Kosovës rikthehet në fushë në fundjavë, me ndeshje tejet interesante.
Lexo gjithashtu
