Pezullimi i trajnerit, Adriatik Faslliu për 4 ndeshje dhe mbrojtësit Santi Çulli do gjej apelim në dyert e Komisionit të Disiplinës së FSHF.
Është klubi i Butrintit që përpos zhgënjimit pranons e nuk është dakord për vendimin e marrë.
Përmes një reagimi për shtyp, klubi që militon në Kategorinë e Dytë të futbollit në vend shton se ka pamje filmike ku duken qartë se dyshja nuk ka kryer asnjë veprim që cënon rregullat e sjelljes ose të futbollit.
Komunikatë për Shtyp nga KF Butrinti Sarandë
KF Butrinti dëshiron të shprehë zhgënjimin dhe mosdakordësinë e tij të plotë me vendimet e fundit të marra nga Komisioni i Disiplinës, i cili ka vendosur dënime të rënda ndaj trajnerit tonë Adriatik Faslliu dhe mbrojtësit Santi Çulli. Sipas këtij vendimi, trajneri Faslliu është pezulluar për 4 ndeshje, ndërsa lojtari Çulli është pezulluar për 7 ndeshje, gjë që e konsiderojmë një dënim tejet të ekzagjeruar dhe të padrejtë për ekipin tonë.
Sipas analizës së ngjarjes dhe bazuar në pamjet filmike që kemi në dispozicion, trajneri Faslliu nuk ka kryer asnjë veprim që të cënojë rregullat e sjelljes ose të futbollit. Ai thjesht ka festuar, siç bën çdo profesionist i përkushtuar ndaj ekipit dhe tifozëve të tij. Në të njëjtën kohë, edhe dënimi i Çullit është i papranueshëm, pasi asnjë prej veprimeve të tij në fushë nuk justifikon një masë kaq ekstreme.
Ne, si klub, do të apelojmë këtë vendim, duke kërkuar një rishqyrtim të drejtë e të paanshëm të situatës nga autoritetet përkatëse. KF Butrinti është gjithmonë për një lojë të ndershme dhe respekton rregullat, por nuk mund të pranojmë që një vendim kaq i rëndë dhe i padrejtë të dëmtojë përkushtimin dhe përpjekjet tona për të sjellë suksesin që meriton ky ekip dhe ky qytet.
Besojmë që e drejta do të triumfojë dhe që trajneri dhe lojtari ynë do të rikthehen në fushë për të dhënë maksimumin për KF Butrinti dhe për të gjithë tifozët tanë të përkushtuar.
Me respekt,
KF Butrinti Sarandë
Lexo gjithashtu
