Lushnja nuk ndalet as në javën e 17-të të Kategorisë së Parë, ndërsa sot fitoi 2-0 në një transfertë të vështirë siç është ajo e Fierit kundër Apolonisë.
Canka dhe Branica ishin autorët e golave për ekipin që kryeson Grupin B në Kategorinë e Parë, ndërsa me këtë trepikësh, Lushnja ruan distancën nga vendi i dytë, +6 pikë nga Bylisi.
Por, e veçanta e këtij takimi ishte fakti se u gjykua nga një treshe arbitrash maltezë. Projekti i bashkëpunimit të FSHF-së me Federatën e Futbollit të Maltës për shkëmbim eksperiencash mes gjyqtarëve shqiptarë dhe atyre maltez u vu në zbatim në takimin e sotëm mes Apolonisë dhe Lushnjes që u luajt në stadiumin "Loni Papuçiu".
Me sa duket, duhet të vinte një rastësi e tillë, që kjo përballje të gjykohej nga një gjyqtar i huaj që Lushnja të mund të fitonte në Fier kundër Apolonisë, pas më shumë se 4 dekadash pa e njohur shijen e suksesit në stadiumin e bardhjeshilëve.
Lexo gjithashtu
