Kastrioti do të synojë fitoren me Bylisin ditën e sotme në orën 14:00 në stadiumin e Kamzës për javën e 10 të Abissnet Superiore. Trajneri Emiljano Çela mbetet me sytë nga infermieria dhe gishtat e kryqëzuara.
Dy titullarët, Karakaçi dhe Zogaj janë mungesat 100% të sigurta por ajo që e bën me dhimbje koke teknikun është dyshimi për gatishmërinë e Edon Hasanit dhe Xhulio Mehmetit. Dyshja fantaziste ka lënë pas dëmtimet por gjendja e tyre fizike duhet parë me imtësi deri në momentet para publikimit të formacionit.
Sfida përmban brenda edhe një çëshjte “ish-ësh”. Te Kastrioti është mbrojtësi Milos Stojanovic që më parë ka luajtur për dy sezone me Bylisin në Superiore dhe në të Parën ndërkohë që edhe zv.trajneri Bekim Kuli ka qenë lojtar i ballshiotëvë.
Formacioni i mundshëm:
Kastrioti (4-3-3) – Sali; Kodra, Stojanovic, Selmani, Rami; Hasani?, Onanuga, Mehmeti?; Çela, Morbech, Greca
Trajner: Emiljano Çela
Lexo gjithashtu
