Një nga derbit më të bukur në botë do të luhet të shtunën e 16 shtatorit. Milani do të përballet me Interin për të zhvilluar një ndeshje që pritet të jetë e ‘zjarrtë’ si gjithmonë.
Në prag të kësaj sfide, mbrojtësi i krahut dhe kapiteni i Milanit, Davide Calabria ka dhënë një intervistë për SportMediaset.
“Lautaro është një lojtar i madh, unë mund të flas vetëm mirë sepse ai është një ‘top’ lojtari. Na ka vënë në vështirësi në ndeshjet e fundit, por ne po përgatitemi që të jemi gati ta ndalojmë një lojtar të tillë”, ka thënë mbrojtësi italian.
-Sa e rëndësishme është të arrish në derbi në gjendje të mirë?
“Është thelbësore. Është njerëzore që ka ulje dhe ngritje. Vitin e kaluar ata ishin më të mirë se ne. Por në këtë derbi, ne po arrijmë më mirë se në derbit e fundit. Unë jam super i sigurt, shoh një ekip që është i gatshëm për të punuar”, është shprehur më tej Calabria.
Lexo gjithashtu
