Kamza do presë sot Skënderbeun në shtëpi, në orën 14:00 për të luajtur takimin e javës së 20-të të kampionatit. Në Kamëz të gjithë besojnë se pas suksesit në Kukës ndaj kampionëve, radhën e kanë korçarët.
Të besuarit e Ramadan Ndreut besojnë akoma më shumë te suksesi i sotëm për faktin se do mundohen të shfrytëzojnë situatën e krijuar nga UEFA në kampin korçar dhe mungesat e shumta.
Mungesat te Skënderbeu janë të shumta. Bajram Jashanica dhe Kristi Vangjeli nuk do mund të ndihmojnë ekipin. Afrim Taku ende nuk është rikthyer. Ndërkohë që te Kamza bëhet fjalë vetëm për një mungesë, Masato Fukui i cili ka plotësuar numrin e kartonave të verdhë.
Formacioni i mundshëm:
Kamza: Gjonikaj, Frashëri, Lelis, Kuqi, Zguro, Idrizaj, Arrabal, Mehmeti, Fili, Imeri, Plaku;
Trajner: Ramadan Ndreu
Skënderbeu: Shehi, Dita, Radas, Aliti, Mici, Muzaka, Lilaj, Vila, Gavazaj, Xhejms, Soue;
Trajner: Ilir Daja
Lexo gjithashtu
