Hapësire reklamuese

Çështjet kryesore

VENDI

Kampionati Kombëtar i Futsallës/ Tirana fiton derbin me Partizanin dhe ngre lart trofeun

Shkruar nga NEWSPORT
Kampionati Kombëtar i Futsallës/ Tirana fiton derbin me Partizanin dhe

Tirana Futsal festoi titullin kampion të Shqipërisë për edicionin 2023/2024. Bardheblutë dominuan edhe takimin e fundit ndaj Partizanit në pallatin e sportit “Asllan Rusi”, duke triumfuar 8-4.

Pavarësisht rezultatit, Tirana e kishte siguruar disa javë më herët matematikisht titullin, pas dominimit ndaj kundërshtarëve të këtij sezoni.

Ndeshja ndaj Partizanit nisi me dy gola të shpejtë nga Tirana me Kevin Kosovës dhe Eradi Mertirin. Të kuqtë ngushtuan rezultatin me Armand Gapin, por bardheblutë shënuan dhe dy gola të tjerë para fundit të pjesës së parë me Ervin Cerën dhe Elvis Muçën.

Fraksioni i dytë nisi me golin e Guido Tepshit për Partizanin, por Tirana shënoi tre gola radhazi me Endri Kacën, Klajvert Gjokën dhe Klevis Malajn. Të kuqtë e gjetën rrugën e rrjetës sërish me Gjecin dhe Ndreun, ndërsa Klajvert Gjoka vulosi gjithçka për bardheblutë dhe sfida u mbyll me shifrat përfundimtare 8-4.

Kjo ndeshje përmbylli edhe sezonin e suksesshëm të Kampionatit Kombëtar të Futsallës, i organizuar nga Federata Shqiptare e Futbollit, teksa për Tiranën ky ishte trofeu i 12-të kampion në historinë e futsallës.

Në përfundim të sfidës, Tirana – Partizani u organizua edhe ceremonia tradicionale, ku të pranishëm ishin, Zv.Presidenti i FSHF-së, Lutfi Nuri, anëtari i Komitetit Ekzekutiv të FSHF-së, Abdyl Kuriu, dhe Drejtori i Futbollit Amator në FSHF, Jurgen Demneri, të cilët i dorëzuan medialjet dhe trofeun e kampionit ekipit Tirana Futsal.

Pas këtij suksesi, Tirana Futsal do të marrë pjesë në turet kualifikuese të UEFA Futsal Champions League.

Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?

  • Po
  • Jo
  • Nuk e di

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga