Lucas Biglia ka vendosur t’i jap fund karrierës së tij si futbollist. Ish-mesfushori i Milanit dhe Lazios ka “varur këpucët në gozhdë” në moshën 38-vjeçare, duke mos pranuar rinovimin e kontratës me ekipin turk të Basaksehir.
Por pavarësisht se nuk do të luajë më, Biglia nuk e ka në plan që të qëndrojë larg botës së futbollit. Argjentinasi është shprehur se ka nisur një kurs trajneri dhe shumë shpejt do ta shohim në atë rol.
“Kam vendosur të tërhiqem nga futbolli. Në fakt, ishte një tërheqje e detyruar pasi u riktheva në Itali për të vazhduar kursin e trajnerit. Më kanë telefonuar klubi i Indipendientes në Argjentinë dhe e vlerësoj shumë, por nuk ishte një alternativë e mirë për familjen time”, është shprehur Lucas Biglia.
[caption id="attachment_722093" align="alignnone" width="601"]
Lucas Biglia[/caption]
Lexo gjithashtu
