Shorti i hedhur për kampionatin maqedonas do të nisë me një duel të jashtëzakonshëm. Kampionët në fuqi Shkëndija do të përplasin "brirët" në datën 12 gusht me kundërshtarin e drejtpërdrejtë për titull Vardarin.
Kuqezinjtë shihen si favoritët e vetëm për të sigurar titullin e dytë radhazi duke parë dhe reduktimin e skuadrës maqedonase të Vardarit në merkaton verore dhe forcimin e ndjeshëm të Shkëndijen me blerjet: Valmir Nafiu, Gledi Mici, Konstantin Çeshmexhiev, Omar Imeri dhe Remzifaik Selmani. Faktor që mund të ndikojë negativisht në ecurinë e kuqezinjve mund të bëhet pjesëmarrja në fazën finale të Champions League ose Europa League në varësi të ecurisë.
Sezonin e kaluar Shkëndija " i la targën" Vardarit duke fituar kampionatin me 35 pikë diferencë duke u konsoliduar si kampionët e parakohshëm të edicionit 2017/2018.
Lexo gjithashtu
