Juventusi nuk ka kohë për të humbur, me drejtuesit që tashmë kanë nisur punë për të gjetur lojtarët e duhur që mund të tranferojnë gjatë merkatos së ardhshme. Mesfushori serb i Lazios, Sergej Milinkovic-Savic prej kohësh është në gjurmët e “Zonjës së Vjetër”, dhe pak ditë përpara përballjes me kryeqytetasit në kampionat, drejtuesit kanë menduar të bëjnë një hap në drejtim të tij.
Sipas “La Gazzetta dello Sport” ka pasur një takim mes drejtuesve të “zonjës” dhe agjentit të lojtarit Mateja Kezman, për të përshpejtuar një marrëveshje që mund të finalizohet në verë.
Milinkovic aktualisht fiton rreth 3.5 milionë euro në sezon dhe kohët e fundit ka filluar të negociojë me drejtuesit e Lazios rinovimin e kontratës që skadon në qershor të vitit 2024. Lotito është i gatshëm që ti rrisë pagën serbit, duke e çuar deri në 4.5 milionë, por oferta e Juventusit është akoma më tunduese, plot 6 milionë euro në sezon.
Lexo gjithashtu
