Pau Torres raportohet se do të largohet nga Villarreal gjatë merkatos së verës. Pas 5 vitesh si verdhekaltër qendërmbrojtësi dëshiron të provojë një aventurë të re në një tjetër skuadër.
Torres ka kontratë të vlefshme me Villarreal deri në vitin 2024, por ofertat në drejtim të tij janë të shumta. Sipas mediave në Itali, bëhet e ditur se Juventusi ka arritur parimisht marrëveshjen me Villarreal për 26 vjeçarin.
Villarreal është gati ta shes yllin e tyre këtë verë për mos ta humbur në vitin 2024 si lojtar të lirë, teksa kërkon të fitojë rreth 45 milionë euro nga shitja e tij.
Gjithsesi interesim për lojtarin kanë shfaqur edhe skuadrat angleze si Manchester United, Liverpool dhe Chelsea, por duket se Juventusi ka bindur lojtarin për t’u transferuar në Serie A. 26-vjeçari këtë edicion ka zhvilluar 35 ndeshje zyrtare me Villarrealin, ku ka realizuar edhe një gol.
Lexo gjithashtu
