Jose Mourinho, trajneri i Romës foli në një intervistë në ‘Sky Sport’ në prag të ndeshjes që ekipi i tij do të luajë përballë Slavias së Pragës në Europa League. Portugezi foli gjithashtu edhe për ndeshjen e radhës në Serie A, ku Roma do të përballet me Interin. Por kujtojmë që Mourinho nuk do të jetë në pankinë për shkak të skualifikimit të marrë në ndeshjen e përballë Monzas.
“Do të luajmë përballë një ekipi që për mendimin tim duhet ta fitojë kampionatin me 20 pikë diferencë nga vendi i dytë. Për të luajtur me ta duhet të jemi ne ata që duhet të bëjmë përpjekje. Do të shkojmë atje dhe do të luajmë, por fillimisht duhet të mendojmë për ndeshjen përballë Slavias, pasi do të jetë shumë e vështirë”, është shprehur Mourinho.
-Do t’ju vijë keq që nuk do të jeni në pankinë në ndeshjen kundër Interit?
“Ata që e konsiderojnë një karton të kuq me dashje, janë idiotë. Unë kam bërë historinë me Interin, por tani jam te Roma dhe dua të fitoj me Romën. Do të doja shumë të isha me djemtë në këtë përballje, aty pranë vijës, duke i udhëzuar, por u ndëshkova për një sjellje që e bëjnë shumë trajnerë dhe që ia kanë hedhur paq gjithmonë. Nuk e di a ishte një ndëshkim i drejtë”, tha më tej trajneri i Romës.
Lexo gjithashtu
