Vllaznia u mposht 1-0 në transfertë nga Bylisi, ndeshje e vlefshme për javën e 18-të të Superiores. Një humbje që vjen pikërisht në momentin më të mirë të shkodranëve. Pas takimit, ka folur Mirel Josa, i cili analizoi shkurtimisht atë që ndodhi në stadiumin “Adush Muça”.
Ai është i drejtëpërdrejtë dhe i thotë publikisht rezervat që ka për futbollistët e tij. Në prononcimin e zakonshëm për Oversport, Josa u shpreh:
“E para punës, nuk e nisëm mirë lojën. Jo se Bylis bëri ndonjë gjë të madhe. Në pjesën e parë, duhet të luanim më shpejt në mesfushë për të luajtur nga krahët. Duhet të ishim më efikas nga krahët. Pjesa e parë mbaroi në këtë formë. Të dy ekipet nuk patën raste shënimi të pastra. E humbëm lojën në një goditje standarte. Ne duhet ta kishim neutralizuar. Kështu që unë, me mënyrën se si po luanim, ne nuk i lamë hapësira Bylisit. Duhet të kishim qenë më të qetë. Ndërruam dhe pozicione të lojtarëve. Mënyra se si e kërkuam nga krahu i majtë, ishte i drejtë, nga i djathti duhet të ishim më efikas.
Mungesë dëshire? Jam dakord deri diku me ty (Ledio Pano). Problemi nuk ishte se nuk donim të fitonim lojën. Në mesfushë duhet të ishim më të shpejtë në shpërndarjen e topit. Në zonën kundërshtare duhet të kishim paraqitje më të drejtë sidomos kur të vinte topi nga krahët. Dy herë për një skuadër është pak. Edhe skuadra kundërshtare luan. Në qendër të mesit të fushës e them që duhet të ishim më të shpejtë. Kjo na bëri që Bylis ta kishte më të lehtë për të thyer sulmet tona. Kur ishim në gjysmëfushë kundërshtare, kishim ekuilibrin e duhur, por përsëri nuk ia dolëm. I shkuam me Hoxhajn dhe Heriçin afër golit, por i priti portieri i Bylisit.
Kundërshtari? Nuk mund të them që pati diçka ndryshe sot Bylisi. Pothuajse skuadrat luajtën me të njëjtën vendosje. Por, ne duhet të ishim shumë të kujdesshëm. Me një pozicion standart të humbnim lojën, nuk ishte mirë. Nuk kishte eufori. Sot bëmë një hap të madh, të shohim si do të rikuperojmë. Kemi ndeshje shumë shpejt”, tha ai.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
