Elbasani e ka seriozisht për sezonin e ardhshëm. Verdheblutë nuk vijnë në Kategorinë e Parë për shëtitje por kanë objektivin e qartë për rikthimin në elitën e futbollit shqiptar. Drejtuesit nuk duan të humbasin kohë dhe kanë nisur nga puna për të ndërtuar një ekip që ua mundëson këtë sukses që në edicionin që vjen.
Për ta bërë këtë, Elbasani po sheh për emra big që do të kenë një impakt të menjëhershëm në skuadër. I pari ishte ai i Gerhard Prognit, i cili ka dalë kampion 4 herë me Partizanin, Skënderbeun dhe Dinamon. Një tjetër emër është edhe ai i Edon Hasanit. Me sulmuesin është arritur akordi ndërsa me ish-mesfushorin e Tiranës, Vllaznisë e Kukësit ende nuk ka zhvillime.
Së fundmi, një tjetër emër i konfirmuar në futbollin shqiptar ka dalë në skenë. Hektor Idrizaj është objektiv i skuadrës së Nevil Dedes për repartin defansiv. 34-vjeçari e nisi sezonin e fundit me Teutën dhe e mbylli me Skënderbeun ndërsa tani është pa kontratë. Eksperienca e tij mund të vlejë shumë teksa në të shkuarën është shpallur kampion me Partizanin
[caption id="attachment_675811" align="alignnone" width="279"]
Hektor Idrizaj[/caption]
Lexo gjithashtu
