Inter ia doli mbrëmjen e djeshme të merrte një fitore të rëndësishme ndaj Salzburg në Champions League. Zikaltërtit fituan 1-0 ndaj kundërshtaarëve të tyre dhe sigurojn kështu edhe fazën e 1/8-tave të këtij kompeticioni. Por jo vetëm kaq, pasi fitorja ndaj Salzburg i kualifikon italianët në Kupën e Botës për Klube “FIFA 2025”. Sipas “Sky Sport Italia”, “Nerazzurrët” u bashkohet Real Madridit, Chelseat dhe Manchester Cityt. UEFA ka 12 vende për Kupën e Botës për Klube, e cila do të organizohet nga SHBA në qershor 2025. Fituesit e Ligës së Kampionëve nga viti 2021 deri në 2024 kualifikohen automatikisht në këtë garë, ndërsa skuadrat e tjera përcaktohen nga një renditje e klubeve për një periudhë katërvjeçare. Është një renditje e bazuar në rezultatet e marra vetëm në Champions League. Klubet do të ndahen në tetë grupe me nga katër skuadra, ku dy skuadrat e para në secilin grup do të kualifikohen për në fazën eliminatore.

Mondiale per Club 2025, tutte le squadre qualificate https://t.co/2nFIzv8acJ

— Gianluca Di Marzio (@DiMarzio) November 8, 2023