Ditën e sotme janë luajtur ndeshjet e vlefshme për kualifikueset e Europianit për femra. Teksa vajzat kuq e zi kanë zhgënjyer totalisht duke u mundur në Finlandë me rezultatin 8-1, vajzat dardane kanë dal fitimtare në një ndeshje të vështirë ndaj Estonisë.
Vajzat e përfaqësueses së Kosovës kanë fituar me përmbysje në transfertë ndaj Estonisë. Estonezet kanë shënuar të parat me penallti në minutën e 22, ndërsa rezultati është përmbysur nga dy golat e futbollistet kosovare Modesta Uka në minutën e 41 dhe 56.
Me fitoren e sotme vajzat e Kosovës kanë 6 pikë dhe ndodhen në vendin e dytë duke e ndarë atë me Sloveninë dhe Rusinë që po ashtu kanë nga 6 pikë secila.
Loading ...
