Antalia është kthyer në epiqendrën e skuadrave shqiptare të Superligës, si vend për të kryer fazën përgatitore.
Pas Partizanit, Kukësit dhe Luftëtarit, edhe ekipi i Superligës së Kosovës, Trepça ’89 do të zhvillojë një fazë përgatitore në Antalia.
Lajmi konfirmohet nga faqja zyrtare e klubit në Facebook. Gjatë qëndrimit në Antalia, Trepça ’89 do të zhvillojë katër ndeshje miqësore, të parën kundër Astanës, ekpit kazak ku sapo është transferuar sulmuesi i Kombëtares kuqezi, Azdren Llullaku.
