Mbrojtësi i majtë i Interit, Federico Dimarco, ka folur për mediat ditën e sotme ku shprehet se skuadra ndihet e lumtur për kalimin në gjysmëfinale të cilën e merituan plotësisht sipas tij. Më pas Dimarco thekson se ndeshjet duhen marrë një nga një dhe fillimisht është Juventusi në Kupë dhe më pas ka kohë për Milanin.
“Jemi të kënaqur dhe shumë të lumtur që kemi mbërritur në gjysmëfinale. Mendoj se kemi merituar, por tani është koha të kthejmë sytë nga kompeticionet e tjera. Duhet të rimarrim veten në kampionat, pasi vendi i katërt është një objektiv shumë i rëndësishëm për ne.
Juventusi, në Kupën e Italisë dhe më pas derbi në Champions? Nuk mund të shpërqendrohemi tani. Duhet t’i marrim ndeshjet me radhë. Nëse hedhim vështrimin shumë larg rrezikojmë të gabojmë dhe të çojmë dëm një sezon të tërë. Kemi bërë jo pak gabime deri më tani”, tha Dimarko.
Lexo gjithashtu
