Hamdi Salihi ka folur para ndeshjes së Vllaznisë me Partizanin. Ish sulmuesi shkodran zbuloi se është rikthyer nga Amerika, pasi do të jetë pjesë e stafit teknik të Kombëtares.
Edhe pse më parë u tha që është larguar nga kuqezinjtë, ishte shkodrani vetë që tregoi se i është besuar sërish për të qenë pranë Sylvinhos.
Në fund për Oversport bëri edhe një parashikim për këtë përballje të rëndësishme të javë së 25-të të Superiores.
“Kënaqësia është e jashtëzakonshme, jo vetëm për mua, por për të gjithë ata që vijnë në stadiumin e Shkodrës. Përballjet me Partizanin dhe Tiranën janë ndeshje për të mos u humbur.
Stadiumi i ri? Po e vuaj shumë që nuk luajta dot as me Vllazninë dhe as me Kombëtaren. Nuk arrita të luaja në këto impiante të mrekullueshme. E kam zili brezin e ri.
Shqipëria? Do të vazhdoj të jem pjesë e kombëtares shqiptare dhe duke qenë se kemi ndeshje kualifikuese me Poloninë. Është trajneri i ri dhe do të vijojmë punën pak më herët. Specifikisht për ndeshjen do ta nisim të hënën. Do të jem pjesë e stafit.
Lojtarët? Ne pjesën e sugjerimit, e kemi bërë që në fillim. Trajneri ka marrë shënimet e veta. Ngaqë jemi pjesë të stafit, mundohemi të sugjerojmë edhe për kombëtaret e tjera të moshave.
Parashikim? Dhe me Realin të luajë, do ta parashikoj me zemër. Shpresoj ta fitojë Vllaznia 3-1. Edhe kampionatin, besoj është i Vllaznisë. Do të arrijnë të rikuperojnë këto javë që kanë mbetur. Kanë shansin e mirë për të dalë kampion.
Lojtarët e kombëtares? Unë rri në kontakt të vazhdueshëm me gjithë lojtarët e Kombëtares. Nuk flasim specifikisht për sfidën e kuqezinjve. S’mund ta zbulojmë listën më përpara”, ka thënë ai.
Lexo gjithashtu
