Florian Kadriu po shkëlqen me skuadrën e Erzenit. Pas fitores 1-0 kundër Laçit, lojtari i shijakasve u shfaq mjaft i lumtur. Në prononcimin pas takimit kundër kurbinasve, sulmuesi anësor deklaroi për Oversport:
"Këtë ndeshje kemi bërë një sfidë të mirë. Jam munduar të bëj më të mirën për veten dhe ekipin. Këtë fitore ia dedikojmë gjithë grupit dhe Shijakut.
Roli i preferuar? Luaj edhe në të majtën, edhe në të djathtën. Ku të thotë trajneri bëj më të mirën.
Çelësi i suksesit? Jemi një grup shumë i mirë. Ekipi është formuar shumë vonë, por stafi ka bërë një grup shumë të mirë. Inshalla vijojmë kështu me këmbë në tokë. Çdo ndeshje për ne do të jetë si një finale.
Pika më e fortë? Jemi të gjithë së bashku. Mbrojtja luan prej te sulmi. Mbrojtja s'ka pësuar asnjë gol dhe meriton një duartrokitje të madhe. Shpresoj të vazhdojmë kështu.
Ftesë nga Kombëtarja? Normal që do ta pranoja. Edhe pse jam shqiptar nga Maqedonia, nëse do të marr ftesë, sigurisht që po!", tha ai.
Lexo gjithashtu
