Në Itali ditën e sotme të gjithë tifozët do të mbajnë “frymën”, teksa do të luhet derbi mes Inter dhe Milanit. Një takim që është i vlefshëm për javën e 21-të të Serie A.
Derbet kanë dhuruar gjithmonë emocione dhe i tillë pritet të jetë edhe dueli i mbrëmjes së sotme, ku dy rivaët më të mëdhenj vihen përballë njëri-tjetrit.
Neruazzurët janë momentalisht në vendin e dytë me 40 pikë, kurse kuqzinjtë janë në formë shumë të dobët të rezultateve dhe momentalisht renditen në vendin e 5-të me 38 pikë.
Formacionet e mundshme:
Inter: Onana; Skriniar, Acerbi, Bastoni; Darmian, Barella, Calhanoglu, Mkhitaryan, Dimarco; Martinez, Dzeko.
Milan: Tatarusanu; Calabria, Kalulu, Kjaer, Hernandez; Pobega, Tonali, Krunic; Saelemaekers, Giroud, Leao.
