E ardhmja e Lionel Messit prej muajsh tashmë është në qendër të mediave të huaja. Argjentinasi do të largohet nga PSG-ja në fund të këtij sezoni. Opsionet për të ardhmen e tij nuk mungojnë. Në Barcelonë kërkojnë rikthimin e kampionit të botës, Inter Miami dhe Al Hilal po mundohen të tundojnë me miliona “Pleshtin”.
Pikërisht për një transferim të mundshëm në Arabinë Saudite ka folur ish-sulmuesi i njohur i Ajax dhe Milan. Marco Van Basten ka këshilluar Messin të mos transferohet në Arabi dhe zgjedhjen ta bëjë me zemër dhe jo për para.
“Sipas mendimit tim, nuk e kuptoj pse të luash në Arabinë Saudite për të fituar shumë para, ju keni fituar tashmë shumë, kjo do të më dukej e mjerueshme. Messi duhet të bëjë gjërat që do, Messi duhet të jetë vetvetja”, tha ish-sulmuesi holandez.
Lexo gjithashtu
